Алғаш рет ұйымдастырылып отырған жарысқа еліміздің бірнеше аймағынан танымал БАҚ өкілдері қатысады
Білім күні мерекесінде шағын футболдан БАҚ өкілдері арасында Өскемен қаласы әкімінің кубогы үшін республикалық турнир өтеді, деп хабарлайды Qaz365.kz.
Алғаш рет ұйымдастырылып отырған жарысқа еліміздің бірнеше аймағынан танымал БАҚ өкілдері қатысады. Ұйымдастырушылар Астана, Алматы қалалары мен Жамбыл, Жетісу, Абай және т. б облыстардың командалары қатысатынын мәлімдеді. Олардың арасында жаңадан ашылған Qaz365.kz ақпараттық порталының да командасы бар.
Qaz365.kz командасы В тобында Тараз, Өскемен, Көкбекті командаларымен ойнайды. Турнир «Алтай» стадионында өтеді.
Qaz365.kz командасы бұған дейін Қызылорда қаласы әкімі кубогы жолындағы жарыста күміс медаль алса, журналистер арасындағы BAQ liga-ның XIII маусымында чемпион атанды.
