×

Боксшыларға 100 мың доллардан сыйақы таратып жүрген Тасмағамбетовтың күйеу баласы қызметінен кетті

Қазақстан бокс федерациясының жаңа басшысы тағайындалды

Боксшыларға 100 мың доллардан сыйақы таратып жүрген Тасмағамбетовтың күйеу баласы қызметінен кетті
Фото: ашық дереккөзден

Бүгін Қазақстан бокс федерациясының президенті ауысты. Осыған дейін басқарған кәсіпкер Кеңес Рақышевты Шахмұрат Мүтәліп ауыстырды, деп хабарлайды Qaz365.kz.

Бүгін Астанада Қазақстан бокс федерациясының жылдық дәстүрлі жиыны өтті. Жиын барысында Федерацияның жаңа президенті болып Шахмұрат Мүтәліп сайланды.

Конференцияның кезекті отырысында өткен жыл қорытындыланып, ерлер және әйелдер командасы бас бапкерлерінің есебі тыңдалды. ҚБФ жаңа басшысының сайлау отырыстың соңғы бөлігінде өтті.

Жаңа қызметінде алғаш рет сөз алған президент ҚБФ алдындағы міндеттерді бірлесіп орындаудың маңыздылығын атап өтті. Сондай-ақ, ол өзіне сенім артқан Қауымдастық мүшелеріне алғыс білдіріп, ортақ мақсатқа жету жолында өзінің бар күшін салатынын  айтты.

«Маған жүктелген жауапкершілікті сезіне отырып, Қазақстан боксын әрі қарай дамытуға, спортшыларымызға жан-жақты қолдау көрсетіп, олардың мүддесін қорғауға, ҚБФ ролін ел ішінде және халықаралық деңгейде арттыруға бар күшімді саламын.
Биыл өтетін маңызды додалар қарсаңында команданың алдында үлкен бір мақсат тұр. Өз тарапымыздан дайындыққа қажетті барлық жағдайды жасауды жалғастыра береміз. Бірлесе еңбек ету арқылы отандық бокстың әлемдік аренадағы беделін нығайта түсеміз», – деді ҚБФ жаңа басшысы.

Шахмұрат Мүтәліп 1990 жылы 18 қыркүйекте Алматы облысы Казцик ауылында дүниеге келген. Экономика ғылымдарының магистрі, Куала-Лумпурдағы (Малайзия) Азия-Тынық мұхиты университетінде (APU) білім алған. Кәсіпкер, «Integra Construction KZ» ЖШС иегері.  Үйленген, 3 баласы бар.

Айта кетейік, Кеңес Рақышев соңғы жылдары боксшыларға ірі көлемде сыйақы берумен белгілі. Мысалы, 2021 және 2023 жылғы әлем чемпионатында топ жарған қазақ боксшыларына 100 мың доллардан берген болатын.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Жәнібек Әлімханұлының ауруханадағы суреті тарады. Командасы мәлімдеме жасады
Кеше, 23:44

Жәнібек Әлімханұлының ауруханадағы суреті тарады. Командасы мәлімдеме жасады

Жерлесіміздің Qazaq style командасы ресми мәлімдеме жасады
Енді 14 шілде күні Лас-Вегаста (АҚШ) жаңазеландиялық Андрей Михайловичпен кездесу өтпейтін болды
ҚФФ президенті келеңсіз жайтқа қатысты пікір білдірді
Асланбек Шымбергенов бокстан әлем чемпионы және Азия ойындарының қола жүлдегері

Соңғы жаңалықтар

Барлық жаңалық →