Әйелдер боксынан қазақтан шыққан тұңғыш Олимпиада чемпионы атану арманым болды
Париж Олимпиадасының жартылай финалында қытайлық У Юге есе жіберген Назым Қызайбай жекпе-жектен кейін көз жасын тыя алмады, деп хабарлайды Qaz365.kz.
«Ойдағыдай болмады. Ұту үшін барымды салдым. Бірақ Қытай боксшысы алдап кетті. Кішкене орында тұрып, болмашы соққыларды өткізіп алдым. Жеңіске деген құлшынысым кедергі келтірген секілді. Тым жанып кеттім. Сондай сәтте ақылға салып, жұдырықтасуды ұмытасың. Әйелдер боксынан қазақтан шыққан тұңғыш Олимпиада чемпионы атану арманым болды. Дзюдошы қыздармен Парижде жолыққанда да соны бір бірімізге тіледік.Қазір өзіме аса көңілім толып тұрған жоқ. Енді жүлдеге де шүкір етуге тура келеді. Жеңсем де, жеңілсем де қасымнан табылатын отбасыма, достарыма рахмет айтамын!Жеңісімді маған қолдау көрсеткен көпшілікке арнаймын», - деді Назым Қызайбай.
Айта кетейік, 50 келіде бақ сынаған Назым Қызайбай Париж Олимпиадасында алғашқы 3 жекпе-жекте жеңіске жеткен. Ал жартылай финалда Ю Вуға (Қытай) есе жіберді.
