Анасы Күлипа Бижановаға салтанатты түрде құрмет көрсетіп, Жаркент қаласынан жаңа үйдің кілтін табыстады
Парижде өтіп жатқан ХХХІІІ Олимпиаданың күміс жүлдегері, грек-рим күресінің шебері Демеу Жадыраевқа қошемет жалғасып жатыр, деп хабарлайды Qaz365.kz.
Айта кетейік, Демеу Жадыраев – Жетісу облысы, Панфилов ауданы, Үшарал ауылының тумасы. Қазіргі Алматы облысының намысын қорғап жүр. Сондықтан спортшыға екі облыстан қошемет көрсетіліп жатыр. Кеше Жетісу облысының әкімі Бейбіт Исабаев спортшыға Жетісу облысының Құрметті азаматы» төсбелгісін тақты. Анасы Күлипа Бижановаға салтанатты түрде құрмет көрсетіп, Жаркент қаласынан жаңа үйдің кілтін табыстады.
Бүгін туған жері Панфилов ауданында спортшыға Toyota Land 300 және 50 000 доллар берілді. Алматы облысы, Талғар қаласынан 2 бөлмелі пәтердің кілті табыс етілді.
ҚР еңбек сіңірген жаттықтырушылары – спортшының алғашқы бапкері Жұмахан Тұрғамбеков және жеке бапкері Боранбек Қоңыратовқа Haval көлігін мінгізді.
Одан бөлек жерлестері тұлпар, басқа да ықылас қолдауларын көрсетуде.
