Ол финалда әзірбайжандық спортшы Хетаг Карсановті таза жықты
Еркін күрестен Ұлттық құрамамыздың көшбасшысы Ризабек Айтмұхан (97 кг) Испанияның Понтеведра қаласында 20 жасқа дейінгі палуандар арасында әлем чемпионы атанды, деп хабарлайды Qaz365.kz.
Ол финалда әзірбайжандық спортшы Хетаг Карсановті таза жықты. Есеп: 10-0.
Кеше іріктеуде Ризабек Айтмұхан қарсыластарын сенімді ұтқан
1/8-де ирандық Абулфазл Дәуіт Бабало 12-1.
Ширек финалда грек Николаос Караванос 12-1.
Жартылай финалда америкалық Жастен Ли Радемахер 9-1.
Еске сала кетейік, Ризабек былтыр тамызда 20 жасқа дейінгі палуандар арасындағы әлем чемпионатында 92 кг дейінгі салмақта күміске ие болған. Амман қаласында финалда ирандық Мұхаммадмобин Азимиге есе жіберген.
Ал былтыр қыркүйекте Белградта еркін күрестен қазақтан шыққан тұңғыш әлем чемпионы атанған.
Ұлттық құраманың тағы бір өкілі Камиль Куруглиев (92 кг) ертең қола жүлдеге таласады.
