Қазақстан мен Қырғызстан арасындағы финал 5:4 есебімен аяқталды
Бүгін V Дүниежүзілік көшпенділер ойынында көкпардан Қазақстан мен Қырғызстан финалда кездесті. Астанадағы «Қазанат» атшабарындағы кездесуде Қазақстан қосымша уақытта 5:4 есебімен жеңіске жетті. Ал қырғыз спортшылары мен жанкүйерлері әділетсіздік болды деп бұл жеңіспен келіспейді, деп хабарлайды Qaz365.kz.
«Әділетсіз болатынын алдын-ала білдік, бірақ сорақылық дәл осылай өрбиді деп ойлаған жоқпыз. Төрешілер бізді балағаттады, ал полиция мен арнайы жасақ ойыншыларымызды сабады. Маған ҰҚК қызметкері келіп, куәлігін көрсетіп, суретке түсіріп алды да «халықтар арасына алауыздық туғызып жатырсың» деп қорқыта бастады. Қысым өте қатты болды. Бірінші таймда 3:1 есебімен алға шыққан соң, төбелес басталды. Сол кезде бізге қайта шығып ойнауды ұсынды. Әділ болатынын айтты. Екінші таймда өкінішке қарай олай болмай шықты. Қазақстан тарапы осындай әділетсіздік пен ұйымдастыру ісінен қателік жібереді деп ойлаған жоқпыз. Егер оларда титтей намыс болса, мұндай жеңісті тойламайды. Біздің жігіттер барын салды. Мен үшін бұл 12 ойыншы – чемпион», – дейді Қырғызста құрамасының басшысы Эрлан Абдыкапаров.
Айта кетейік, Қазақстан мен Қырғызстан арасындағы финал 5:4 есебімен аяқталды.
