Батыр арулардың ерлігі мен тағдыры жайлы «Төрт қайсар» деректі фильмі түсірілген
II Дүние жүзілік соғыста танкіге мініп, жаумен шайқасқан қазақтың төрт батыр қызы белгілі болды, деп хабарлайды Qaz365.kz тілшісі QazaqstanTV-ға сілтеме жасап.
“Соғыс жылдарында ерлік пен қайсарлықтың үлгісін көрсеткен қазақтың төрт аруы – Жамал Байтасова, Жамила Бейсенбаева, Күлкен Тоқбергенова және Күлжәмила Талқанбаева танкімен майдан даласына аттанып, жауға қарсы күрескен алғашқы әйелдер қатарында болған”, – делінген ақпаратта.
Олардың ерлігі тарихта сирек кездесетін оқиға. Бір шайқаста тұтас экипаж із-түзсіз жоғалып кеткен деген дерек бар.
Батыр арулардың ерлігі мен жұмбаққа толы тағдыры жайлы «Төрт қайсар» деректі фильмі түсірілген.
