5 жыл бойы оқу ордасының спорттық алаңы коммерциялық мақсатта пайдаланылып келген
Абай атындағы Қазақ ұлттық педагогикалық университетінің мүлкі заңсыз сатылған, деп хабарлайды Qaz365.kz.
Бұл туралы Алматы қаласы Медеу ауданының прокуратурасы мәлімдеді.
“Спортты бірлесіп дамытамыз деген көзбояушылықпен Горький атындағы Орталық мәдениет және демалыс
саябағында орналасқан алаңы 5 гектардан асатын спорт стадионы 10 жылға үшінші тұлғаларға берілген. 5 жыл бойы футбол алаңы коммерциялық мақсатта пайдаланылып келген. Ал 16 мың студенттің дене шынықтырумен толық айналысуға және спорттық іс-шаралар өткізуге мүмкіндігі болмаған", – деп жазылған хабарламада.
Медеу ауданы прокуратурасының қадағалау актілері бойынша заңды күшіне енген сот шешімдерімен мүлік ұлттық университет меншігіне қайтарылған.
