Ол 10 құрылтайшының 9-ның атынан құрылтай құжатына қол қойған
Сот Перизат Қайраттың "Biz Birgemiz Qazaqstan" қоғамдық бірлестігін таратты, деп хабарлайды Qaz365.kz.
Бұл туралы Астана қаласының мамандандырылған экономикалық соты шешім шығарған.
“Астана қаласының мамандандырылған ауданаралық экономикалық соты «Biz birgemiz Qazaqstan 2030» қоғамдық бірлестігін мәжбүрлі түрде тарату туралы шешімін қабылдап, қанағаттандырды. Сотқа Әділет департаменті шағымданған. Заңды тұлға 2021 жылы 11 қазанда мемлекеттік тіркеуден өткен. Бірлестіктің құрылтайшысы 10 адам. Қылмыстық істі тергеу барысында қолжазба сараптамасы жүргізіліп, 10 құрылтайшының 9-ның атынан құрылтай құжатына Перизат Қайрат қол қойғаны анықталды”, – делінген сот хабарламасында.
Сондай-ақ ол су тасқынынан зардап шеккендер мен Палестина тұрғындарына көмек ретінде жиналған 1,7 млрд теңгеден астам қаражатты жымқырды деген күдікке ілінген болатын.
