Оның актерлік шеберлігін полиция қызметкерлері айыппұлмен бағалаған
Семейлік блогер полиция формасымен автонесиені жарнамалап, айыппұл арқалады, деп хабарлайды Qaz365.kz.
Бұл туралы ҚР Ішкі істер министрлігінің баспасөз қызметі мәлімдеді.
“Абай облысында 22 жастағы семейлік жарнамаға креативті көзқараспен қарауды ұйғарып, полицей формасын киіп, жеңілдетілген автонесиелеуді жарнамалаған видеоролик түсірді. Алайда оның актерлік шеберлігін клиенттер емес, нағыз полиция қызметкерлері бағалады. Тексеру барысында оның құқық қорғау органдарына ешқандай қатысы жоқ екені анықталды. Енді жарнамалық жетістік орнына — айыппұл, ал формалық киім тәркіленді”, – делінген полиция хабарламасында.
Полиция ресми форма мен айырым белгілерін заңсыз пайдалану — құқық бұзушылық! Мұндай "эксперименттер" үшін айыппұл салынып, форма тәркіленетінін ескертіп отыр.
