Бұл іс бойынша Перизаттан бөлек екінші күдікті – оның анасы да бар
Қаржылық мониторинг агенттігі төрағасының орынбасары Жеңіс Елемесов Мәжілістің кулуарында қайырымдылық қоры арқылы ақша жымқырды деген күдікпен қамалған Перизат Қайраттың соты қашан басталатынын айтты, деп хабарлайды Qaz365.kz
Қылмыстық істің материалдарымен оған қатысы бар тұлғалар танысып жатыр. Перизат Қайраттың өзі созғандықтан, біз оны нақты кестеге қойдық. Кесте бойынша танысу 9 маусымда аяқталады. Кейін тағы 3 күн өтініш жасауға беріледі. Содан кейін 10 күннің ішінде прокуратура сотқа жіберуге шешім қабылдайды, - деді ол.
Айта кетейік, бұл іс бойынша Перизаттан бөлек екінші күдікті – анасы.
Перизат Қайрат «Biz Birgemiz Qazaqstan 2030» қорына түскен қаражатты өз жеке және анасы Алашбаеваның есепшоттарына аударып, кейін оларды зергерлік бұйымдарға, киім-кешекке, жиһазға, саяхаттарға, жөндеу қызметтеріне, автокөлік жалдау және басқа да шығындарға жұмсаған.
Еске салсақ, 3 сәуірде Перизат Қайратқа қатысты қылмыстық істі тергеудің аяқталғаны белгілі болған еді.
