Оған сот үкімімен оған 4 жыл мерзімге бас бостандығынан айыру жазасы тағайындалған
Заңсыз жолмен 90,6 млн теңге табыс тапқан астаналық бас бостандығынан айырылды, деп хабарлайды Qaz365.kz.
Бұл туралы Астана қаласы прокуратурасы мәлімдеді.
“Қала тұрғыны материалдық пайда және заңсыз жолмен баю мақсатында «Бинго» ойынын заңсыз «Instagram» әлеуметтік желісінде тікелей эфирде жүргізген. Ойын шарттарына сәйкес, тікелей эфирде бәс тігу сомалары әртүрлі ақшалай қаражатты құрап, қатысушылардың арасынан жеңімпазды анықтап, оған ұтысты телефон номері арқылы жолдаған. Қылмыстық әрекеттің нәтижесінде 90,6 млн теңге табыс тапқан. Мемлекеттік айыптаушы сотталушының кінәсі туралы сотқа жеткілікті дәлелдемелер ұсынды”, – делінген прокуратура хабарламасында.
Сот үкімімен оған 4 жыл мерзімге бас бостандығынан айыру жазасы тағайындалды. Үкім заңды күшіне енген.
