2025 жылдың бірінші тоқсанында «ТНК «Қазхром» АҚ филиалы шамамен 700 тонна мөлшерден тыс зиянды заттар шығарындыларын жасаған, деп хабарлайды Qaz365.kz.
Бұл туралы Павлодар облысының прокуратурасы хабарлады.
Зауыт 1990 жылдан бері Ақсу қаласын жылумен қамтамасыз етіп келеді. Осы мақсатта бұрындары заңға сай рұқсат алып, эмиссиялар үшін (салық) төлем жасап отырған.
Жаңа тазалау технологияларын енгізу шартымен зауытқа он жылға эмиссия салығынан босату қарастырылғанымен, кәсіпорын ескі қазандықпен жұмысын жалғастырған.
Экология департаменті бастапқыда белгіленген 1,2 миллиард теңге айыппұлды 855 миллион теңгеге дейін қысқартты. Бұл шешімге зауыттың кінәсін мойындауы мен оның әлеуметтік маңыздылығы әсер еткен.
