Сот үкімі заңды күшіне енген жоқ.
Ұлттық қауіпсіздік комитетінің Қызылорда облысы бойынша департаментінің қызметкерлері қылмыстық істі шешуге жәрдемдескені үшін 1 миллион теңге алды деген күдікпен Ұлытау облысы Сәтбаев қалалық прокуратурасының қызметкерін ұстады, деп хабарлайды Qaz365.kz.
Бұған дейін БАҚ-та Ұлытау облысы Сәтбаев қаласы прокуратурасының қызметкері ұсталғаны туралы хабарланған болатын.
Кейін Қазақстан Республикасының Бас прокуратурасы ҚР Қылмыстық кодексінің 190-бабы («Алаяқтық») бойынша сотқа дейінгі тергеуді тіркегенін хабарлады.
Қызылорда қалалық сотының шешімімен Сәтбаев қаласы прокуратурасының қызметкері Самат Қаниев кінәлі деп танылып, алаяқтық жасағаны үшін 3 жыл 6 айға сотталды.
Сот үкімі заңды күшіне енген жоқ.
