Қатысушылардың бірінің қолынан пышаққа ұқсас зат байқауға болады.
Семейде куәгерлер қаланың орталығында – орталық полиция бөлімшесі мен өрт сөндіру бөлімінің маңында ер адамды аяусыз соққыға жыққан сәтті видеоға түсіріп алған, деп хабарлайды Qaz365.kz.
Бейнежазбада ер адамның жол белгісінің жанында асфальтта жатқанын, айналасында үш адамның соққыға жығып жатқанын көруге болады. Біреуі жәбірленушіні ұстап тұрса, екіншісі аяғынан тартады. Қатысушылардың бірінің қолында пышаққа ұқсас зат байқалады. Біраздан кейін тағы бір ер адам келіп, жанжалды тоқтатпақ болады.
Абай облыстық полиция департаменті оқиғаны растады:
Аталған факті бойынша қылмыстық іс қозғалды. Күдіктілер ұсталып, уақытша ұстау изоляторына қамауға алынды. Оқиғаның мән-жайы анықталуда. Алдын ала мәліметтер бойынша, жанжал тұрмыстық араздықтан туындаған. ҚР ҚПК-нің 201-бабына сәйкес, сотқа дейінгі тергеу деректері жария етілмейді, – деп хабарлады ведомство.
