Депутат Дәулет Тұрлыхановтың ұлы Нұрасыл Болат өзінің түзелгенін алға тартып, соттан жазасын жеңілдетуді өтінген. Алайда сот оның бұл өтінішін қанағаттандырмады, деп хабарлайды Qaz365.kz.
Еске салсақ, 2023 жылдың ақпанында Нұрасыл Болат заңгер Анна Димитриевич пен оның күйеуі Олег Черновқа қол көтерген. Осы оқиғадан кейін ол қылмыстық жауапқа тартылып, Жоғарғы сот шешімімен бас бостандығын шектеу жазасына кесілген болатын.
Алайда көп ұзамай оның түнде көшеде жүргені мен тойда бой көрсеткен видеолары тарады. Осыдан соң сот оның бостандығын шектеу жазасын бас бостандығынан айыруға ауыстырған. Мұндай шешімге сотталушының пробациялық бақылау талаптарын бірнеше рет бұзуы себеп болған.
”Ол өзінің түзелгенін дәлелдей алмады. Сондықтан жазаны өтеу жалғасуы тиіс”, – делінген шешімде.
