×

Ақмола облысында 10 жасар баланың көмегімен ұрланған көлік табылды

Оқиға 25 қараша күні болды

Ақмола облысында 10 жасар баланың көмегімен ұрланған көлік табылды
Polisia.kz

Ақмола облысында 10 жастағы оқушы тәртіп сақшыларына қылмысты «ізін суытпай» ашуға көмектескені үшін марапатталды, деп хабарлайды Qaz365.kz тілшісі Рolisia.kz сілтеме жасап.

25 қараша күні Алан Колмагоров «102» пультіне қоңырау шалып, сұр түсті автокөлік жүргізушісінің жол жүрісі ережелерін өрескел бұзғанын хабарлаған.

«Жас болғанына қарамастан, бала көліктің маркасын, түсін және мемлекеттік нөмірін нақты айтып берді. Уақытылы жеткізілген ақпараттың арқасында патрульдік экипаж жедел әрекет етіп, көлікті тауып, жүргізушіні ұстады. Кейін автокөліктің ұрланғаны анықталды», – деді полиция өкілдері.

Полиция департаментінің басшылығы баланың ерлігіне ризашылық білдірді. Тәртіп сақшылары Көкшетау қаласындағы №12 орта мектепке барып, 10 жастағы Алан Колмагоров пен оның анасы Юлия Колмагороваға алғыс хат табыс етті.

Сонымен бірге оқушыға велосипед пен патрульдік автокөліктің шағын үлгісі сыйға тартылды. Полицейлер бұл құрмет оның жауапкершілігі мен азаматтық белсенділігінің жоғары екенін атап өту үшін жасалғанын айтты.

«Кездесу барысында Алан құқықбұзушылықты досымен бірге байқаса да, полицияға қоңырау шалу туралы шешімді өзі қабылдағанын, себебі жүргізушінің әрекеті ауыр салдарға әкелуі мүмкін екенін түсінгенін айтты.

Ал анасы ұлының кішкентайынан жауапкершілікті сезінетінін, әділдік принциптерін берік ұстанатынын және өз ұстанымын белсенді қорғайтынын айтты», – деп толықтырды ІІМ.

Полиция қызметкерлері азаматтардан, соның ішінде жасөспірімдерден келіп түскен жедел хабарламалардың қоғамдық тәртіпті сақтау, жол қауіпсіздігін қамтамасыз ету және ықтимал қауіпті жағдайлардың алдын алуда өте маңызды рөл атқаратынын атап өтті.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора

 Редактор

Бөлім жаңалықтары

Тағы оқыңыз
Спортшылар жастарды салауатты өмірге шақырды
26.11.2025ж. 19:28

Спортшылар жастарды салауатты өмірге шақырды

Оған студенттер, танымал спортшылар, қоғам қайраткерлері мен денсаулық саласының мамандары  жиналды

Соңғы жаңалықтар

Барлық жаңалық →