Бұл туралы Түркістан облысы ПД баспасөз қызметі хабарлады
Түркістан қаласында автобустың қатысуымен жол-көлік оқиғасы орын алды, деп хабарлайды Qaz365.kz.
Көше қиылыстарының бірінде қоғамдық көлік пен жеңіл көлік соқтығысып, автобус жеке үйдің қабырғасына кіріп кеткен.
“18 қазан күні Түркістан қаласы қиылыстарының бірінде жолаушылар көлігінің қатысуымен жол-көлік оқиғасы орын алды. Оқиға орнына келген полицейлер "Хундай Акцент" автокөлігі № 17 маршруттағы жолаушылар автобусымен соқтығысып, нәтижесінде автобус жеке үйдің қабырғасына кіріп кеткенін анықтады.
Апат салдарынан автобустың бірнеше жолаушысы жарақат алып, оларға медициналық көмек көрсетілді. Сондай-ақ үйде егде жастағы ер адам болған. Оның денсаулығына төніп тұрған қауіп жоқ. Қазіргі уақытта осы факті бойынша ҚР ҚК 345-бабымен "Көлік құралдарын басқаратын адамдардың жол жүрісі немесе көлік құралдарын пайдалану ережелерін бұзуы" бойынша сотқа дейінгі тергеу басталды. Болған оқиғаның барлық мән-жайы анықталуда”, – дейді полиция департаментінің мәлімдемесінде.