Бұл мәліметті кәсіпорынның баспасөз қызметі растады
Соколов-Сарыбай кен-байыту өндірістік бірлестігінде жұмысшы қаза тапты, деп хабарлайды Qaz365.kz.
Оқиға «ССГПО» АҚ аумағында болған. Бұл мәліметті кәсіпорынның баспасөз қызметі растады.
Кеше WhatsApp мессенжерінде пайдаланушылар бір-біріне сурет таратты.
Онда Рудныйдағы Соколов-Сарыбай кен-байыту өндірісінде жұмысшыны ток соққаны айтылады.
«Соколов-Сарыбай кен-байыту өндірістік бірлестігі аумағында темірбетон еденді бөлшектеу жұмыстары кезінде оқыс оқиға болып, мердігер жұмысшысы мерт болды. «ССГПО» АҚ ұжымы мен басшылығы марқұмның отбасына қайғысына ортақтасып көңіл айтады. Оқиға бойынша тергеу жүріп жатыр», – деп хабарлады кәсіпорыннан.