Іздеу жұмыстарына 93 адамы жұмылдырылды.
Түркістан облысында 2019 жылы дүниеге келген баланың денесі каналдан табылды, деп хабарлайды Qaz365.kz.
5 жасар бала 16 наурызда сағат 15.00-де Біртілек ауылындағы үйінен шығып, қайтып оралмаған. Куәгердің айтуынша, суару каналында бүлдіршіннің аяқ киімі табылған.
Төтеншеліктердің мәліметінше, бүгін 16 наурызда сағат 16.40-та іздеу тобы жоғалған баланың денесін үйден 2 км қашықтық жердегі судан шығарып алды.
Іздеу жұмыстарына ТЖД, жергілікті атқару орган және полицияның 93 адамы және 4 техникасы жұмылдырылды.