Хабарламада Түркияның елімізде болып жатқан оқиғаларға алаңдайтыны жазылған
Түркия Сыртқы істер министрлігі Қазақстандағы су тасқыны жағдайына қатысты мәлімдеме жасады, деп хабарлайды Qaz365.kz.
Хабарламада Түркияның елімізде болып жатқан оқиғаларға алаңдайтыны жазылған.
«Қазақстанның әртүрлі өңірлерінде болып жатқан су тасқыны ауыр зардаптарға әкеліп, ондаған мың қазақ бауырларымызды эвакуациялауға мәжбүр еткеніне қатты алаңдап отырмыз», - делінген хабарламада.
Түркия Сыртқы істер министрлігі көңіл айтып, көмек көрсетуге ұсыныс жасаған.
«Қазақстан халқы мен үкіметіне көңіл айтамыз. Түркия табиғи апаттан кейін қалпына келтіру үшін барлық қажетті көмекті көрсетуге дайын», - деп жазылған министрліктің хабарламасында.