Ауа райына байланысты үш облыста жол жабылды

Qaz365.kz редакциясы

Бұл туралы республикалық маңызы бар автомобиль жолдарының ұлттық операторы хабарлады

«ҚазАвтоЖол» ҰҚ АҚ

Еліміздің үш өңірінде ауа райының қолайсыздығына байланысты республикалық маңызы бар автожолдарда қозғалыс уақытша шектелді, деп хабарлайды qaz365.kz тілшісі «ҚазАвтоЖол» ҰҚ АҚ-на сілтеме жасап.

Абай өңірінде «Алматы-Өскемен» тасжолының Қалбатау ауылынан ШҚО шекарасына дейінгі аралығында көліктің барлық түрі үшін қозғалысқа шектеу енгізілді;

Шығыс Қазақстан облысында «Алматы-Өскемен» тасжолының Абай облысының шекарасынан Қасым Қайсенов кентіне дейінгі аралығында жол қозғалысына шектеу енгізілді.

Қарағанды облысында «Екатеринбург-Алматы» тасжолының Жұмабек ауылынан Балқаш қаласына дейінгі аралығында жүк және қоғамдық көліктердің қозғалысы шектелді.