Партия сайлауда 547 154 дауыс жинаған
Respublica партиясы Парламенттің төменгі палатасына 6 мандатқа ие болды. Бұл туралы партия төрағасы Айдарбек Қожаназаров Фейсбук желісіндегі жеке парақшасында жазды, деп хабарлайды qaz365.kz тілшісі.
«Бүгін ОСК Қазақстан Республикасы Парламенті Мәжілісінің депутаттарын сайлаудың қорытындысын жариялады. Respublica партиясы 547 154 дауыс жинап, 8,59% көрсеткішпен Парламенттің төменгі палатасына 6 мандат алып, үшінші орынға ие болды», - деп жазған партия төрағасы.
Оның айтуынша, Мәжілісте Respublica партиясының атынан шығатын депутаттар - партия төрағасы Айдарбек Қожаназаров, партияның тең төрағалары Динара Шүкіжанова мен Руслан Берденов, сондай-ақ Динара Наумова, Нұргүл Тау және Олжас Құспеков.
«Мен және менің әріптестерім бізге көрсеткен сенім үшін шын жүректен алғыс айтамыз және сіздің таңдауыңыздың дұрыстығын сөзбен емес, Отанымыз - Тәуелсіз Қазақстанның игілігі үшін нақты істермен дәлелдеуге уәде береміз!» - делінген әлеуметтік желідегі жазбада.