Қазақстан құрамасы Өзбекстанда өткен әлем біріншілігін 4 алтын, 1 күміспен аяқтады.
Мемлекет басшысы бокстан Ташкентте өткен әлем чемпионатының жеңімпаздарын құттықтады, деп хабарлайды Qaz365.kz тілшісі.
– Бокстан әлем чемпионатының финалдық жекпе-жектерін зор қызығушылықпен тамашаладым. Жеңіске деген ерік-жігер мен шынайы патриотизмнің жарқын үлгісін көрсеткен боксшыларымыз Санжар Тәшкенбай, Махмұд Сабырхан, Асланбек Шымбергенов және Нұрбек Оралбайды шын жүректен құттықтаймын!
Қазақтың төрт жігіті – әлем чемпионы! – деп жазылған Президенттің Twitter-дегі құттықтауында.
Айта кетейік, Қазақстан құрамасы Өзбекстанда өткен әлем біріншілігін 4 алтын, 1 күміспен аяқтады.