Желіде оны түрмеде "сындырып" жатыр деген ақпарат тарады
Интернетте экс-президент Нұрсұлтан Назарбаевтың інісі Қайрат Сатыбалдыға колония қабырғасында физикалық қысым көрсетіліп, моральды тұрғыдан «сындырып» жатқаны туралы ақпарат тарады, деп хабарлайды Qaz365.kz тілшісі ҚазТАГ-қа сілтеме жасап.
Хабарлама авторы Назарбаевтың інісін «Қазақстан салафиттерінің көшбасшысы» деп атаған. Түрмеде Қайрат Сатыбалды отырған камераға тағы екі тұтқынды орналастырған. Олардың басты тапсырмасы – Қайрат Сатыбалдыға физикалық қысым көрсету, моральды тұрғыдан «сындыру». Хабарлама авторларының айтуынша, осындай әрекеттер арқылы Қайрат Сатыбалдының менмендігі мен тәкаппарлығын басу көзделген.
«Кешке жанына жаңа тұтқындар камераға орналастырылған соң, ұлттық қауіпсіздіктің сотталған экс-генералы бірден колониядағы қоғамдық орындарды тазалаумен айналысты», –делінген хабарламада.
ІІМ Қылмыстық атқару жүйесі комитетінің мәліметінше, ол арыздармен жүгінбеген.
«Сотталған Қ.Сатыбалды қолданыстағы заңнамаға сәйкес, Шығыс Қазақстан облысы бойынша түзеу мекемесінің №22 мекемесінде жалпы негізде жазасын өтеп жатыр. Басқа сотталғандарға қатысты мекеме әкімшілігіне және жоғары тұрған органдарға арыздармен жүгінбеген. Ішкі тәртіп ережелеріне сәйкес, Қ.Сатыбалды басқа сотталғандармен бірге қамауда. Сотталғандар тарапынан Қ.Сатыбалдыға қатысты заңсыз әрекеттер тіркелмеген. Бірқатар мекеме сияқты бұл мекемеде де бейнебақылау жүйесі орнатылған», – деп хабарлады ІІМ Қылмыстық атқару жүйесі комитетінің (ҚАЖК) баспасөз қызметі.