Транстың 1997 жылы туылған Тәжікстан Республикасының азаматы екені анықталды
Атырау облысы полиция департаментінің ұйымдасқан қылмысқа қарсы күрес басқармасының қызметкерлері интимдік қызмет көрсететін саунаны анықтады, деп хабарлайды Qaz365.kz.
Полицияның мәліметінше, саунада еліміздің өзге облыстарынан келіп, жезөкшелікпен айналысқан Шымкент, Алматы, Жамбыл өңірінің 8 азаматшасы анықталды.
Притон «қызметін» 37 жастағы Өзбекстан азаматшасы үйлестіріп отырған.
«Әкімшіге қатысты ҚР ҚК-нің 309-бабы бойынша қылмыстық іс қозғалды. Сонымен қатар «Құқықтық тәртіп» іс-шарасы барысында интимдік қызмет көрсеткен Тәжікстан Республикасының 26 жастағы транссексуал азаматы мен интернет желісі арқылы интимдік қызмет көрсету үшін тапсырыс қабылдаған ер адам белгілі болды. Қазақстанға қараша айында келген шетелдік азаматқа қатысты елден шығару жөнінде іс-құжаттар көші-қон басқармасына тапсырылды», – делінген хабарламада.
Анықталған адамдар жезөкшелікпен айналысқандар есебіне тіркелді.