Алматыда үш адамның өлімімен аяқталған автобустағы қақтығысқа себепші жолаушы қашып кетпек болған

Qaz365.kz редакциясы

Бұған куәгерлер мұрсат бермей, өздері ұстап алған

видеодан кадр

Әлеуметтік желіде Алматыда автобустың бір топ жаяу жүргіншіні қағып кеткен сәттен кейінгі видеосы пайда болды, деп хабарлайды Qaz365.kz.

Жүргізуші әйелге шабуыл жасады деген ер адам оқиға орнынан кетіп қалмақ болған. Бұған куәгерлер мұрсат бермей, өздері ұстап алған.

Айта кетейік, Алматы қаласының мамандандырылған ауданаралық тергеу сотының хабарлауынша, 24 желтоқсанда сот шешімімен сотқа дейінгі тергеп-тексеру органының өтініші қанағаттандырылып, күдікті  2 ай мерзімге қамауға алу санкцияланды.

Еске сала кетейік, 22 желтоқсанда Алматыдағы «Қалқаман» аялдамасында автобус жаяу жүргіншілерді басып кетіп, 3 адам қайтыс болды. Қоғамдық көлік жүргізушісін ұрған ер адам ұсталды. Аталған дерек ҚР ҚК-нің 345-бабы 3-бөлігі бойынша сотқа дейінгі тергеуді бастады.