Сараптама 2023 жылдың 10 қарашасында жасалған
Астанада өтіп жатқан экс-министр Қуандық Бишімбаевтың сот отырысында адвокат Жанна Оразбақова марқұм Салтанат Нүкенованың денесіне жасалған сараптама қорытындысын оқыды, деп хабарлайды Qaz365.kz.
«Сараптама нәтижесінде Салтанат Нүкенованың денесінен бас сүйек-ми жарақаты, бетінде көптеген жара мен қан анықталды. Оның мұрны сынған, мұрнының айналасындағы терісіне қан құйылған, бас терісіне қан құйылып, субдуральды гематома (мидың ұзақ материялық қабатының астынан қан кету) анықталған», - дейді Жанна Оразбақова.
Сараптама 2023 жылдың 10 қарашасында өткізілген. Ол бұл жарақаттар, өлімнен бір күн бұрын, доғал қатты заттармен қайта-қайта ұрғаннан болуы мүмкін деп айтты.
«Сондай-ақ сараптама қорытындысына сәйкес, Нүкенованың қанынан есірткі, дәрілік және психотроптық заттар табылмаған. Алкоголь - аз мөлшерде болған», - дейді адвокат.
Ол Нүкенованың екі білегінің де, қолының да артқы беттерінде көгерген жерлері бар. Мұны өзін-өзі қорғаудың белгісі деп санауға болады деп айтты.
Сонымен қатар ол Салтанат аман қалған күннің өзінде мүгедек немесе комаға түсуі мүмкін екенін жеткізді.