Бұл сүйінші хабарды Мирболат Құрмашевтың бауыры Алмат жеткізді
Түркиядағы жер сілкінісінен кейін хабарсыз кеткен Сабина Мамадьярова аман табылды. Бұл сүйінші хабарды Мирболат Құрмашевтың бауыры Алмат жеткізді, деп хабарлайды Qaz365.kz.
Түркияның Хатай провинциясы, Антакия қаласында хабарсыз кетті делінген қазақстандықтарды іздеуге шыққан топ Сабина Мамадьярованың аман табылғанын хабарлады. Олардың мәліметі бойынша, отандасымыздың қолы сынған. Қазір оны ауруханаға апара жатыр.
«Қазір құтқарушылар үйінділерду аршу жұмыстарын жедел атқарып жатыр. Қалғандары да Сабина табылған тұста алыста болмауы керек. Ақпарат пайда болған сәтте-ақ хабарлаймыз», -деп жазды іздеуші топ өкілдері.
Мирустың (Мирболат Құрмашев) бауыры қалғандарының да Сабина табылған жерден алыстай қоймағанына сенеді.
Айта кетейік, Мирустың достары мен әріптестері жоғалған отандастарымызды іздеу үшін бүгін 06.00 сағатта Түркияға ұшып келген болатын.
Qaz364.kz тілшісі бұған дейін Мирболат Құрмашевты соңғы рет көрген жандардың бірімен тілдескен еді.