Ол сайлауға «бақылаушы» ретінде қатысқан
Алматыда кандидаттың сенімді өкіліне шабуыл жасаған адам мектептің дене шынықтыру мұғалімі болып шықты, деп хабарлайды Qaz365.kz тілшісі КазТАГ агентігіне сілтеме жасап.
Бұл туралы БАҚ өкіліне Алматының Ақжар шағын ауданында тұратын тұрғын айтқан.
«Төбелесіп жүрген қоңыр түсті киім киген бұл адам дене шынықтыру мұғалімі. Ол жоғары сынып оқушыларына дене шынықтыру пәнінен сабақ береді», - дейді «Ақжар» шағын ауданының тұрғыны.
Кадрдан «бақылаушы» ретінде танылған жанжалды бастаушы Алматы қаласының №5 округінен Мәжіліс депутаттығына өзін-өзі ұсынған кандидаттың сенімді адамына шабуыл жасап, қолынан телефонды қағып, бетінен ұрып, мойнынан ұстап алғаны көрінеді. Сенімді адамға сыртқа шығып сөйлесуге шақырады. Сонымен қатар, бейнеде ол бақылаушы әйелдің қолындағы телефонды қағып жібереді. Бір кезде басқа біреудің смартфонын лақтырып жібереді. Бұл ретте, сайлау учаскесінің өкілдері мен күзет қызметі міз бақпайды.
Бейнежазбада Қасқырбай есімді тағы бір «бақылаушы» арандатушыны төбелеске жеткізбей ұстап қалады.
Айта кетейік, 19 наурыз күні кешке кандидаттың сенімді адамына қарсы «бақылаушылардың» бірі төбелес тудырмақ болып арандатқан, бейнекадр интернетте лезде тарады. Бір қызығы, полиция ол арандатушыны ұстамаған.