ҚР СІМ ресми өкілі концерттің өтпей қалуының ешқандай саяси астары жоқ дейді
ҚР Сыртқы істер министрлігінің ресми өкілі ресейлік әртіс Максим Галкиннің концертінің өтпей қалуының ешқандай саяси астары жоқ деп мәлім етті, деп хабарлайды Qaz365.kz.
«Әр концертке осындай дау көтеріледі деп ойламаппын. Менің ойымша, саяси астары жоқ», - дейді ол.
Айбек Смадияровқа журналистер «Ресейден Қазақстанға кейбір әртістердің концертін өткізуге тыйым салу туралы хат жолдағаны рас па?» деп сұраған.
«Мұндай хаттың жолданғанын бірінші рет естіп тұрмын. Тіпті егер сол хат жолданған күннің өзінде концерттерді өткізу немесе өткізбеу мәселесі біздің мәдениет саласындағы органдарға құзырында. Халық кімді тыңдап, кімді тыңдағысы келмейтінін өзі шешеді», – дейді Смадияров.