Сауалнама бес сұрақтан тұрады
Қазақстандағы уақыт белдеуі тақырыбына сауалнама eGov Mobile қосымшасында шықты, деп хабарлайды Qaz365.kz.
“Хронометрика: күнделікті уақытты ұтымды пайдалану” - тақырыбымен берілген сауалнаманы eGov Mobile қосымшасының хабарландыру бөлімінен табуға болады.
Сауалнама бес сұрақтан тұрады:
- Бір күндік жоспарыңызда Сізге уақыт көп жағдайда не нәрсеге жетпей қалады?
- Тәулік ішінде қай уақыт Сіз үшін ең қолайлы, өнімді?
- Сіз тұратын жердегі қызмет көрсету орындарының (тамақтану орындары, спорт орталықтары т.б.) қызметін қалыптасқан кестеден ертерек бастау идеясына қалай қарайсыз? Бұл Сіз үшін күндік жоспар құруға ыңғайлы бола ма?
- Қазіргі қолданыстағы уақыт өлшеміне қатысты ойыңыз қандай?
- Сізге қай уақыт белдеуі оңтайлы?
Естеріңізге сала кетейік, 1 наурызға қараған түні Қазақстан Бірыңғай уақыт белдеуіне (UTC+5) көшті. Сауда және интеграция министрлігінде уақыт осы мәселе бойынша "қазақстандықтар бірнеше рет жүгінгендіктен" уақытты ауыстыруға шешім қабылдағанын айтқан болатын.
Осыған дейін Үкімет басшысының уақыт белдеуі өзгертілмейтіні жайында айтқанын жазған болатынбыз.