Бұл туралы Президенттің баспасөз хатшысы Руслан Желдібай мәлімдеді
28 маусым – Қазақстандағы БАҚ өкілдерінің кәсіби мерекесі. Кәсіби мереке қарсаңында журналистерге баспана берілді. Бұл туралы Президенттің баспасөз хатшысы Руслан Желдібай мәлімдеді, деп хабарлайды Qaz365.kz.
Оның айтуынша, 65 мемлекеттік БАҚ қызметкеріне пәтер кілті табысталды.
“Президент мемлекеттік бұқаралық ақпарат құралдарында қажырлы қызмет атқарып келе жатқан бірнеше азаматты баспанамен қамтамасыз етуді тапсырды.
Мемлекет басшысының атынан Бұқаралық ақпарат құралдары қызметкерлерінің күні қарсаңында 65 пәтердің кілтін табыстадым.
Марапатталғандардың қатарында журналистер, режиссерлер, монтажерлар, операторлар және басқа да мамандық иелері бар.
Пәтерлер «Дара» Президент бастамаларының қоры атынан берілді.
Келе жатқан мереке құтты болсын, әріптестер!” – деп жазды ол.