Сот растады
Mudarabah Capital қаржы пирамидасын ұйымдастырды деген айыппен сотталған вайнерлер Мейіржан Төребаев пен Мейірхан Шерниязов сотқа апелляция берді, деп хабарлайды Qaz365.kz.
«Апелляция бойынша процесс жүріп жатыр», – деп растады Алматы қалалық соты.
Айта кетейік, 2022 жылы 12 желтоқсанда қаржы пирамидасын құрды деп айыпталған танымал вайнерлердің ісі сотқа жолданған.
Қадағалау органының мәліметінше, қылмыстық істің негізінде 41 жылжымайтын мүлікке, 3 автокөлікке, 9 банк шотына және 16 компанияның жарғылық капиталындағы әртүрлі үлестерге тыйым салынған. Ал 2023 жылдың 23 маусымында сот шешімі шықты. Мейіржан Төребаев пен Мейірхан Шерниязов бес жылға бас бостандығынан айырылды.