Алаштанушы Сұлтан-хан Аққұлы Майя Бекбаеваға берген сұхбатында қазақ зиялыларының өлімінің жай-жапсарын айтты
Алаштанушы Сұлтан-хан Аққұлы Майя Бекбаеваға берген сұхбатында қазақ зиялылары арасындағы қарым-қатынасқа қатысты жұртшылыққа беймәлім жайттарды айтты, деп хабарлайды Qaz365.kz.
Алаштанушы ғалымның айтуынша, Сәбит Мұқанов қазақтың басқа зиялыларының қазасын тойлаған.
«1938 жылы қазақ әдебиетінің соңғы үш алыбы – Сәкен Сейфуллин, Ілияс Жансүгіров, Бейімбет Майлин атылғанда, Сәбит Мұқанов бастаған қазақ совет әдебиетінің болашақ классиктері Көктөбеге шығып, осы күнді атап өтті. Ал Сәкен Сейфуллин, Ілияс Жансүгіров, Бейімбет Майлин, менің білуімше, 60-жылдары ақталды. Ал Мағжан Жұмабаев одан да кешірек ақталды», - деді Сұлтан-хан Аққұлы.