Оның айтуынша, Бишімбаев Нүкенованың жан тапсырғанша, азаптауын тоқтатпаған
Астананың қылмыстық істер жөніндегі мамандандырылған ауданаралық сотында бұрынғы Ұлттық экономинка министрі Қуандық Бишімбаевтың соты өтіп жатыр. Мемлекеттік айыптаушы күдікті әйелі Салтанат Нүкенованы қасақана өлтіруге жоспар құрғаны анықталғанын жеткізді, деп хабарлайды Qaz365.kz.
«Мейрамхананың холында ол жұдырығымен әйелдің өмірлік маңызды органы басына бірнеше соққы жұмсаған. Осыдан кейін қатты ауырсынуды сезінген Нүкенова еденге құлайды. Ал Бишімбаев аяғына күзгі етігін киіп Нүкенованың денесі мен бөксесінен ұрғылай бастаған. Кейін еденнен тұрғызып, шашынан сүйреп, қатігездік танытады. Тағы да басынан ұрады. Оның мейрамхананың , №1 VIP бөлмесіне айуандықпен сүйреп кіргізген. Нүкенова өз өмірі үшін қатты қорқып, VIP бөлменің дәретханасына тығылады. Бұл Бишімбаевты одан сайын ашуландырды, ол есікті алдымен қолымен, сосын астынан темір штативпен ұрып, ашуға тырысады. Сөйтіп, дәретханадан шығарып алып, қайтадан азаптап, яғни ерекше қатыгездікпен жұдырықпен және аяқпен тепкілей жөнеледі. Басы мен денесінен ауыр соққылар алған», - дейді прокурор.
Оның айтуынша, Бишімбаев Нүкенованың жан тапсырғанша, азаптауын тоқтатпаған.
Айта кетейік, бүгін елорданың қылмыстық істер жөніндегі мамандандырылған ауданаралық сотында Қуандық Бишімбаевтың ісі бойынша алқабилерді іріктеу өтті. Бишімбаевқа Қылмыстық кодекстің 110-бабының 2-бөлігінің 1-тармағы (Азаптау), 99-бабының 5-тармағының 2-бөлігі (Аса қатыгездікпен жасалған кісі өлтіру), 14-бабының 2-бөлігі (Аса ауыр қылмыстың қайталануы) бойынша айып тағылып жатыр.