Sensata – премиум, бизнес және жайлы санатта Астанада тұрғын үй салатын ірі компанияның бірі
Бұл туралы сотта марқұм Салтанат Нүкенованың ағасы Айтбек Амангелді айтты, деп хабарлайды Qaz365.kz.
«Менің білуімше, бұл ғимарат (Гастро-орталық) Sensata компаниясы сияқты серіктестерімен бірге Қуандыққа тиесілі. Ол да Бақытжан (Байжанов, Бишімбаевтың туысы әрі Гастро-орталықтың директоры) құрылтайшысы. Бақытжан мен пәтер сатып алған кезде шағын жеңілдікпен рәсімдеген», - деді сотта Айтбек Амангелді.
Сондай-ақ прокурор Бишімбаев пен Байжанов арасындағы қарым-қатынас қандай болды деп Амангелдіден сұраған.
«Мен бұл туралы ештеңе айта алмаймын, пәтер туралы берген барлық тапсырманы Байжанов орындады. Ал Sensata тұрғысынан істің бәрі Байжанов арқылы өтті», - деді Айтбек Амангелді.
Sensata – премиум, бизнес және жайлы санатта Астанада тұрғын үй салатын ірі компанияның бірі.
Еске сала кетейік, 2023 жылдың 9 қарашасында кешке әлеуметтік желілерде бұрынғы министр Қуандық Бишімбаевтың жұбайы Салтанат Нүкенованы өлтіргені туралы хабар тараған болатын. 2024 жылдың 8 қаңтарында экс-министр Бишімбаевты қатыгездікпен өлтірді деген айыппен қылмыстық іс аяқталды. Қазір бұл іс Астанадағы сотта қаралып жатыр.