×

Депутаттар Forbes тізіміндегі олигархтардың жерін тексеріп жатыр

Осыдан бірнеше күн бұрын депутат әлеуметтік желіде Алматыдағы үйінің есігі алдында тұрған колясканы өртеп кеткен еді

Депутаттар Forbes тізіміндегі олигархтардың жерін тексеріп жатыр

Депутат Бақытжан Базарбектің баласының арбасын өртеп жіберген. Ол мұны Мәжілістегі белсенділігімен байланыстырады. Яғни Forbes тізіміндегі олигархтар болуы мүмкін екенін де жоққа шығармайды, деп хабарлайды Qaz365.kz.

 

«Жер аманаты» республикалық комиссиясымен бірге Forbes тізіміне енген бірнеше олигархтың жерін тексеріп жатырмыз. Іле-Алатауы ұлттық саябағының жанында Новиков деген генералдың жері бар, оны да тексергелі отырмыз. Одан бөлек, BI-Group-тың жерлерін тексеріп жатырмыз. Қай жақтан қауіп-қатер төнгенін білмеймін, бірақ заманымыздың сұр заман болғаны соншалық, ешкім қорғалмаған. Қарапайым азамат та, депутат та қорғансыз», - дейді Бақытжан Базарбек.


Осыдан бірнеше күн бұрын депутат әлеуметтік желіде Алматыдағы үйінің есігі алдында тұрған колясканы өртеп кеткен еді. Көп өтпей 1991 жылы туған азамат ұсталған.


«Біз бұл мәселеге түсіністікпен қарауға тырысамыз. Неге? Себебі біз дұрыс іс тындырып жатырмыз», - дейді ол.


Мәжілісмен арбаның өртелуі жай бұзақылық ретінде қарастырылғанына наразы.


«Полицияға жүгініп, қылмыстық іс қозғау керегін айттым. Қылмыстық кодексте «Парламент депутатының қызметіне кедергі жасау» деп аталатын 373-бап бар. Бірақ полиция ол бап бойынша емес, «Бұзақылық» бойынша іс қозғап отыр», - дейді Бақытжан Базарбек.


Депутат таяуда жер кодексіне қауіпті түзету енгізілгелі жатқанын айтқан еді. Журналистер «нақты қандай депутаттар сол түзетуге лобби жасап отыр?» деп сұрады.

«Кім екенін айта алмаймын, бірақ бұл – экология министрлігінің орман және аңшылық шаруашылығы комитеті деп ойлаймын», - дейді ол.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Бөлім жаңалықтары

Мәжіліске келіп түскен жобада ставкаларды саралау көзделеді
Қазақстандағы халқы ең көп облыста өндірістің түр-түрін таңдап, дөңгелетіп әкеткендер баршылық

Соңғы жаңалықтар

Барлық жаңалық →