×

Қамауда отырған Шымкент әкімі орынбасарының тендер үшін 187 миллион теңге пара сұраған аудиосы тарады

Әкім орынбасарының пара сұраған сәтін кәсіпкер диктофонға жазып алған

Қамауда отырған Шымкент әкімі орынбасарының тендер үшін 187 миллион теңге пара сұраған аудиосы тарады
shymkent.gov.kz

Шымкент қаласы әкімінің орынбасары болған Мақсұт Исахов биыл жазда қамауға алынған еді. Ол 200 мың доллар көлемінде пара алған деген күдікке ілінген болатын. Шымкенттік блогер-заңгер Айгүл Орынбек қамауда отырған Мұрат Әйтеновтің бұрынғы орынбасарына қатысты тағы бір істің шетін шығарды, деп хабарлайды Qaz365.kz

Заңгер өзінің You-Tube арнасында жергілікті кәсіпкермен сұхбаттасқан. Кәсіпкер 2020 жылы қаладағы жылу құбыр жүйесін ауыстыратын мемлекеттік конкурсқа қатысқан. Ең төменгі бағаны ұсынса да, ашық конкурстан шеттетіліпті. Кейін сотқа беріп, жеңіске жеткен. Әкімдік сот шешімінен кейін бес күннен кейін келісімшарт ұсынуға тиіс еді. Алайда олай болмай шыққан.

«Пандемия тұсында екі конкурсқа қатыстық. Біреуі 600, екіншісі 700 миллион теңгені құрайды. Сол кезде өзге фирмалар жеңіске жетті. Кейін құжаттарды ашып қарасақ, бізді заңсыз шеттеткенін білдік. Амал жоқ, сотқа шағымдандық. Қаладағы экономикалық сот хаттаманы қайта қарауға шешім шығарды. Содан қайта қарау болған кезде қала әкімінің орынбасары Мақсұт Исахов хабарласып, шақырды. Бұрын ол кісімен араласпағанмын. Исахов маған екі конкурстан да бас тарт деді. Мен олай істемейтінімді айттым. Сол кезде ақыры істейтін болсаң, 187 миллион теңге бересің деді. Яғни пара сұрады», – дейді кәсіпкер.

Әкім орынбасарының пара сұраған сәтін кәсіпкер диктофонға жазып алған. Мақсұт Исахов нақты талап қойған: Яғни конкурстан бас тарт немесе 187 миллион теңге әкел деген. Оның үстіне, ақшаны қолма-қол әкелу қажет екендігін жеткізген. Кәсіпкер осы бойынша да құқық қорғау органдарына шағымданыпты, бірақ ешкім мән бермеген.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
Жалынбек Жайнарбай: Бизнесте адалдық керек
Кеше, 14:08

Жалынбек Жайнарбай: Бизнесте адалдық керек

Алматы кәсіпкерлерінің жай-күйі қалай
Мүліктік шығындарды толық көлемде өтеу туралы бір ауыздан оң шешім қабылданды
Бүгінде елімізде экологиялық мәдениетті нығайту үшін «Таза Қазақстан» үлкен науқаны өтуде

Соңғы жаңалықтар

Барлық жаңалық →