Ақтық мәре 1-2 шілде күндері Ақсуат ауданында өтеді
Абай атындағы театрда «ASSYL DOMBYRA 2023» республикалық ақындар айтысының іріктеу кезеңі өтті, деп хабарлайды Qaz365.kz.
Додаға Абай, Солтүстік, Шығыс Қазақстан, Алматы, Павлодар, Ұлытау, Жамбыл облыстары мен Астана, Алматы, Шымкент қалаларынан 16 ақыннан құралған 8 жұп бәйгеге түсті.
Іріктеуден финалға – Жамбыл облысынан Айтбек Тұрсынбаев пен Қанат Мырзахан, Солтүстік Қазақстан облысынан Хавдолла Бейісхан, Абай облысынан Айбек Жеңісқазин мен Жасұлан Мақаев, Ерейментаудан Ерлан Дәулет, Шымкент қаласынан Нұрмахан Жақып және Алматы облысынан Шынарбек Тұрсын жолдама алды.
Бұл ақындар 1-2 шілде күндері Ақсуат ауданында өтетін ақтық мәреде «Асыл домбыра» үшін бақ сынасатын болады.
