×

Мұхтар Әуезов пен Қайым Мұхамедхановтың "Ұстаз бен шәкірт" ескерткіші ашылды

Ескерткіш Мұхтар Әуезовтің 125 жылдық мерей тойы қарсаңында ашылып отыр

Мұхтар Әуезов пен Қайым Мұхамедхановтың "Ұстаз бен шәкірт" ескерткіші ашылды
akorda.kz

Мемлекет басшысы Қасым-Жомарт Тоқаев Абай облысына жұмыс сапары барысында жазушы Мұхтар Әуезов пен ғалым Қайым Мұхамедхановқа арналған ескерткішті ашты, деп хабарлайды qaz365.kz тілшісі Ақордаға сілтеме жасап.

Президент шараға қатысушылар алдында сөйлеген сөзінде екі тұлғаның төл тарихымызда ерекше орын алатынын атап өтті.

“Бұл – ұстаз бен шәкірт, аға мен іні арасындағы рухани бірліктің символы. Шын мәнінде, қос алыпты бөле-жарып қарау мүмкін емес. Олар Абай мұрасын зерттеп, дәріптеуге өлшеусіз еңбек сіңірді. Төл әдебиетімізді жаңа белеске көтерді. Мұхтар Әуезов Абайды, Абай арқылы қазақты бүкіл әлемге танытты. Ұлы ойшылдың көркем бейнесін сомдап, оның асыл мұрасын адамзаттың ортақ қазынасына қосты. Жазушының әр туындысы жұртымыздың жүрегінен өшпес орын алды. Мұхтар Әуезов – әлем әдебиетінің шыңына көтерілген қаламгер. Ал Қайым Мұхамедханов – ұлы жазушының жақын серігі әрі шәкірті. Ол бүкіл ғұмырын Абайтану, Шәкәрімтану және Алаштану ғылымына арнады. Қуғын-сүргінге ұшыраса да, тағдырдың сынағына қарсы тұрып, еліне адал қызмет етті”, – деді Мемлекет басшысы.

Президент ұлт тарихындағы біртуар тұлғаларымызды ұлықтау парыз екенін және бұл ескерткіш Мұхтар Әуезовтің 125 жылдық тойына тарту болғанын  айтты.

Сонымен қатар Мемлекет басшысы шараға қатысуға келген бір топ зиялы қауым өкілдерімен кездесті. Олардың қатарында жазушы мен ғалымның ұрпақтары, абайтанушылар, осы өңірде туып-өскен бірқатар ақын-жазушылар болды.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365 редакциясы

 Редактор

Бөлім жаңалықтары

“Олардың кино түсіруге интеллекті, мәдениеті жетіспейді”: Нұрлан Қоянбаев кейбір режиссердің халықтың ақшасына кино түсіруіне қарсы
15.11.2023ж. 09:02

“Олардың кино түсіруге интеллекті, мәдениеті жетіспейді”: Нұрлан Қоянбаев кейбір режиссердің халықтың ақшасына кино түсіруіне қарсы

Оның айтуынша, кейбір режиссер Үкіметтен қомақты қаражат алып, “бизнес” жасап жатыр

Соңғы жаңалықтар

Барлық жаңалық →