×

“Халықтың жағдайы мүшкіл”: Ауғанстандағы қандасымыз Қазақстан үкіметінен жәрдем сұрайды

Ауғанстандағы этникалық қазақтар жағдайының нашар екендігін айтып жиі дабыл қағуда

“Халықтың жағдайы мүшкіл”: Ауғанстандағы қандасымыз Қазақстан үкіметінен жәрдем сұрайды
Фото: Qaz365.kz

Ауғанстандағы этникалық қазақтар жағдайының нашар екенін айтып жиі дабыл қағуда. Ата-бабалары бір ғасыр бұрын атажұртынан тағдыр тәлкегімен көшсе де, бүгінде олардың кейбір ұрпақтары ана тілдерін ұмытпаған. Qaz365.kz тілшісі сондай Ауғанстанның Мазари-Шариф қаласында тұратын Хабиболла Қажы есімді азаматпен сұхбат жүргізді. Ол ауған жұртындағы қазақтардың шежіресін жазуды бастаған.

Хабиболла Қажы – 1961 жылы Ауғанстанның Мазари-Шариф қаласында дүниеге келген. Мазари-Шариф қаласындағы 12 жылдық мектепті тәмамдаған. Қазір ол мал шаруашылығымен айналысады. Отбасылы. Үш ұл мен төрт қыздың әкесі. Үлкен ұлы инженер мамандығы бойынша Швеция мемлекетінде оқиды. Екінші ұлы Иранның Тебриз қаласында докторантурада оқыса, одан кейінгісі Иранның Мешхед қаласында магистратурасын оқуда екен. Үлкен қызы Мазари-Шариф қаласында тұрмыс құрған. Екі қызы Иранның Тебриз қаласында студент. Кенже қыздары қолында.