×

«Адами құндылық осы ма»: Оқушыларының әрекеті ұстаздың көңілін босатты

Бастауыш сынып мұғалімі жариялаған видео желі қолданушыларының назарын аудартты

«Адами құндылық осы ма»: Оқушыларының әрекеті ұстаздың көңілін босатты
видеодан кадр

Әлеуметтік желіде бастауыш сынып мұғалімі Салтанат Бердібаеваның жариялаған видеосы желі қолданушыларының назарын аудартты, деп хабарлайды Qaz365.kz.

Онда мұғалім балаларының өзінің көңілін елжіреткен әрекетін айтып берді.

«Қазір бір жылап алдым. Бүгін сағат 10:06-да мектебіміздің есік алды тазалаушысы Совет ағай қайтыс болғаны туралы хабар алдым. Ол кісі кеше ме, кешенің алдын күні ғана жұмыста жүрген. Сөйтіп сағат 10-да балаларға жағдайды айтып, есік алды тазаланбай қалатын болды, көмектесіп, күрек алып, қар күреп жіберіңдерші деп қана айттым», – деді оқушылардың сынып жетекшісі.

Оның айтуынша, оқушылар түскі астан кейін жарты сағаттық қоңырауға шығады.

«Сағат 1-де далаға шығып қалсам, есіктің алдында балаларым қар күреп жатыр. Сосын мектептің артына барсам, ұлдардың жартысы стадионды тазалап жатыр екен. Қолдарында күрек, сыпыртқы бар. «Не істеп жүрсіңдер» десем, «апай біз екіге бөлініп, жартымыз мектептің алдын, қалған жартымыз мектептің артын сыпырады» деп кәдімгідей көмектесіп жатыр. Бұл менің көңілімді қатты елжіретті. Адами құндылық осы ма деп мен қазір ойлап отырмын. Балаларымның адамгершілігі өте жоғары», – деді мұғалім.

Видеоға пікір білдіргендер арасында да балалардың әрекетіне сүйсінгендер аз емес.

«Керемет тәрбие беріп отырған ата-аналары мен сізге мың алғыс!», «Балаларға риза болдым, мың алғыс!», «Жандарым! Ата-аналарының тәрбиесі ғой», – деп жазды желі қолданушылары.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Мұнда алтын медаль 3 ұпаймен, күміс медаль 2 және қола медаль 1 ұпаймен бағаланған
Шәкірттер пәтер кілтін 25 мамырда соңғы қоңырауда табыстады
Алматы қаласы Әуезов ауданы №202 мектеп-гимназияның мектеп бітіруші түлектері шетелдің жетекші университеттерінің грант иегерлері атанды

Соңғы жаңалықтар

Барлық жаңалық →