Жоба «Қазақстан халқына» қорының қолдауымен жүзеге асуда
Қарағанды облысында білім сапасын арттыру мақсатында мұғалімдерді оқыту жобасы жалғасып жатыр, деп хабарлайды Qaz365.kz.
«Қазақстан халқына» қорының қолдауымен және «Білім-Инновация» мектептерінің тәжірибесіне сүйене отырып жүзеге асырылып жатқан жоба 19 тамыз бен 8 қараша аралығын қамтиды. Бұл бағдарлама аясында облыстың алты өңіріндегі 86 мектептен 1118 педагог оқытылып шығады.
Жобаға Сарань, Шахтинск, Теміртау, Қарағанды қалаларының, сондай-ақ Абай және Қарқаралы аудандарының мұғалімдері қатысып жатыр. Оқыту жұмыстарының алғашқы кезеңі жаратылыстану-математика бағытындағы ұстаздарға арналды. Оған 19-23 тамыз аралығында 258 педагог қатысты.
Qundylyq бағдарламасы бойынша оқу процесі 16 қыркүйекте басталды, 8 қарашада аяқталады.
