Ол 2019-2024 жылдар аралығында қызмет бабын пайдалана отырып қаржы жымқырған
Ақтөбе облысы прокуратурасының арнайы прокурорларымен №48 жалпы білім беретін мектеп есепшісінің бюджет қаражатын заңсыз иемдену дерегіне қатысты сотқа дейінгі тергеп-тексерудіі аяқтады, деп хабарлайды Qaz365.kz.
Ақтөбе қаласының прокуратурасымен есепші Г.-ның 2019-2024 жылдар аралығында қызмет бабын пайдалана отырып, мектеп қажеттіліктеріне бөлінген 230 млн теңгеден астам бюджет қаражатын иемденгенін анықтады.
“Иемденіп алу схемалары – жалақыны белгіленген нормадан тыс аудару, қос демалыс беру арқылы жүзеге асырылған. Есепші Г.-ның іс-әрекеті ҚК-нің 189-бабының 4-бөлігінің 2-тармағымен (аса ірі мөлшерде cенiп тапсырылған бөтен мүлiктi иемденiп алу немесе талан-таражға салу) сараланды. Сот есепші Г. кінәлі деп танылып, 6 жылға бас бостандығынан айырды”, – делінген Ақтөбе облысы прокуратурасы мәлімдемесінде.
Оған 7 жыл ішінде материалдық жауапкершілік жүктелетін қызметте істеуіне тыйым салынды.
