Тергеу қорытындысы бойынша осы оқиғаға құқықтық баға беріледі
Талғардағы Шерзат Болат өліміне қатысты видеоның тарап кетуіне байланысты сотқа дейінгі тергеу амалдары жүргізілуде, деп хабарлайды Qaz365.kz.
Qaz365.kz тілшісі Алматы облысы полиция департаментіне журналистік сауалнама жіберді. Баспасөз қызметі Шерзат Болаттың өлімі бойынша қылмыстық істі тергеуге қатысты видеоның тарауына байланысты жауап берді.
Ведомство видеожазбаның тарап кетуі бойынша қылмыстық іс аясында сотқа дейінгі тергеу жүргізіліп жатқанын хабарлады. Тергеу қорытындысы бойынша осы оқиғаға құқықтық баға беріледі.
«ҚР Қылмыстық-процестік кодексінің 201-бабына сәйкес, осы кезеңде қосымша ақпарат жария етуге жатпайды», – делінген хабарламада.
Шерзат Болаттың қылмыстық ісі бойынша тергеу барысынан видеоның тарап кетуіне байланысты БАҚ-та құпия материалдың тарағаны жазылғанын естеріңізге саламыз.
