44 жастағы күдікті бұған дейін сотты болған
Атырауда діни-экстремистік идеологияны насихаттаған ер адам ұсталды,
деп хабарлайды Qaz365.kz. Бұл жайында Атырау қалалық полиция басқармасы мәлімдеді.
“Атырау қаласында полиция қызметкерлері «Таблиғи жамағат» діни-экстремистік ұйымының идеяларын таратты деген күдікпен ер адамды ұстады. Ұйым Қазақстанда экстремистік деп танылып, сот арқылы тыйым салынған. Ұсталған азамат мешіттерде діндар жастармен әдейі кездесіп, үйіне шақырып, экстремистік әрекеттерге тарту мақсатында «Таблиғи жамағат» идеологиясын насихаттаған.Оның үйін тінту кезінде тыйым салынған діни мазмұндағы кітаптар мен электронды материалдар тәркіленді. 44 жастағы күдікті бұған дейін де осы экстремистік ұйымның қызметіне қатысқаны үшін сотты болған”, – делінген Атырау қалалық полиция басқармасы мәлімдемесінде.
Қазір тыйым салынған діни ұйымды насихаттағаны үшін қылмыстық іс бойынша тергеу жүргізіліп жатыр.
