Оның денесінің 98% термиялық күйік шалған
Маңғыстау облысы әкімдігінде өзін өртеп жіберген ер адам қайтыс болды, деп хабарлайды Qaz365.kz.
Бұл ақпаратты Маңғыстау облыстық ауруханасы бас дәрігерінің міндетін атқарушы Руслан Бекібаев растады.
"Науқас 17 желтоқсанда таңғы 9-да қайтыс болды. Оның денесінің 98% термиялық күйік шалған. Біз оны ауырсынуды сезінбеу үшін дәрі-дәрмекпен ұйықтатқан болатынбыз. Бірақ оның қысымы кенеттен төмендеп, ауырсынудан қатты шок алып, есін жимастан қайтыс болды. Марқұмның денесі медициналық тексеруге жіберілді", – деді Руслан Бекібаев.
Оның айтуынша, өртеу, жол-көлік оқиғасы, ұрып-соғу сияқты жағдайлар қылмыстық іс болып саналады және қайтыс болған адамдардың денелері аутопсия үшін медициналық мамандарға жіберіледі екен.
