Оңтүстік Кореяда апатқа ұшыраған Jeju Air әуе компаниясының ұшағында болған 181 адамның тек екеуі аман қалды. Олардың арасында Қазақстан азаматтары болды ма? Бұл сұраққа сыртқы істер министрлігінің ресми өкілі Айбек Смадияров жауап берді, деп хабарлайды Qaz365.kz.
Оңтүстік Корея билігі жариялаған алдын ала мәлімет бойынша, ұшақ бортында Қазақстан азаматтары болмаған, - дейді ол.
Естеріңізге салсақ, ұшақ апаты жергілікті уақыт бойынша таңғы сағат 9:07-де, Jeju Air ұшағы қону кезінде ұшу-қону жолағынан ауытқып, Сеулден оңтүстік-батысқа қарай 288 шақырым жерде орналасқан Муанг округінде қоршауға тап болған.
