Оқыс оқиға 5 қаңтарда таңғы 06:00 шамасында орын алған
Абай облысында жарыс кезінде ішінде төрт адамы бар автокөлік жардан құлап, Ертіс өзеніне батып кетті, деп хабарлайды Qaz365.kz.
Бұл жайында Абай облысы Полиция департаменті мәлімдеп отыр.
“5 қаңтарда сағат 06:00-де Полковничий аралында, Бүркіт ұясы маңында жеңіл автокөлік жардан құлап, Ертіс өзеніне түскені туралы полиция мен ТЖМ құтқарушыларына хабарлама түсті. Алдын ала мәлімет бойынша, көлік ішінде төрт адам болған. Оқиға орнына жедел түрде полиция қызметкерлері мен құтқарушылар жіберілді. Полиция жол қозғалысы қауіпсіздігін қамтамасыз етудің маңыздылығын еске салады және барлық азаматты мұндай қайғылы жағдайлардың алдын алу үшін жол қозғалысы ережелерін қатаң сақтауға шақырады”, – делінген полиция хабарламасында.
Қазіргі уақытта іздестіру-құтқару жұмыстары жүргізіліп, оқиғаның барлық мән-жайы анықталып жатыр.
